2023 жылдың 18-21 сәуір күндері Республикалық олимпиаданың қоғамдық-гуманитарлық бағыты бойынша қорытынды кезеңі өткізілді. Нәтижесінде мектебіміздің үздік оқушысы, қалалық, облыстық олимпиадалар жеңімпазы, 11 сынып оқушысы Жорабек Бекнұр қатысып, облысымыздың мерейін қорғап, жүлделі II 🥈орын иеленді!
Қызылорда қаласы бойынша білім бөлімінің ұйымдастыруымен Қ.Мұхамеджанов атындағы №1 мектеп гимназиясында «Құзіреттілікке бағытталған білім беру-жаратылыстану бағытында» тақырыбында қалалық семинар өтті.
Қызылорда облыстық тарихи-өлкетану музейінде Ұлы қолбасшы Бейбарыс Сұлтанның 800 жылдық мерейтойына орай Қызылорда облыстық оқу орталығы және Қызылорда қалалық білім бөлімі мен Қ.Мұхамеджанов атындағы №1 мектеп-гимназиясы арасындағы интеграциялық жұмыстар аясында 2023 жылдың 12 сәуір күні «Бейбарыс – Қыпшақ даласының қыраны» тақырыбында облыстық дөңгелек үстел өтті.
Педагог жетістіктері
• Альденова Сауле Амангельдиевна – Қызылорда қаласындағы Қ. Мұхамеджанов атындағы №1мектеп-гимназияның орыс тілі мен әдебиеті пәнінің мұғалімі
• Жалпы жұмыс өтілі – 28 жыл
• Біліктілік санат – педагог-шебер
2017 ж. ҚР Білім және ғылым министрлігі , Республикалық «Үздік педагог-2017» байқауының жеңімпазы (куәлік, диплом, 2 269 000 тг сыйақы)
2017 ж. ҚР Білім және ғылым министрлігі «Білім беру ұйымының Үздік педагогі» төсбелгісі
1. 1918 жылдың қазан айынан бастап ұлдар мұсылман мектебі болып алғашқы шәкірттерін қабылдаған.
2. 1920 жылдан бастап мұсылман мектебі татар және қырғыз (қазақ) мектебі болып екіге бөлінген.
3. 1920 жылы қарашаның 15-де мектеп Герцен атындағы екі жылдық қырғыз (қазақ) мектебі болып қайта құрылды.
4. 1922 жылы мектеп Абай атын иеленді де, бастауыш қазақ мектеп болып, оқу мерзімі төрт жылға ұзартылды.
5. 1927-1928 оқу жылдары мектепте ер балалармен қатар қыздар да оқыды.
6. 1934 жылы Абай атындағы бастауыш мектеп 7 жылдыққа айналды.
7. 1936 жылы қыркүйектің 1-де жергілікті атқару комитетінің ұйғарымымен 7 жылдық мектеп «1 Май» аталды.
8. 1 Май мектебі 1989-1990 оқу жылынан бастап аралас мектеп атауынан арылып, қазақ орта мектебі болып атанды.
9. 1990-1991 оқу жылынан бастап, 1 Май атындағы қазақ орта мектебіне қала әкімшілігінің шешімі бойынша лицей атағы берілді.
10. 2003-2004 оқу жылында ҚР Үкіметінің 2003 жылғы 30 мамырдағы № 497 қаулысына сәйкес гимназия статусына ие болды. Мектеп – гимназияға осы мектептің түлегі, жазушы драматург, сатирик Қалтай Мұхамеджановтың аты берілді.
Біздің мекен-жайымыз:
Қызылорда қаласы, Иса Тоқтыбаев тұйығы №2, ғимарат-8
+8 (724) 227-62-33
